2025-nji ýylyň iýun aýynda dünýäde 7 731 358 sany täze ýeňil ulag we ýeňil söwda ulaglary satyldy, bu bolsa 2024-nji ýylyň iýun aýy bilen deňeşdirilende 2,1 göterim köpdür diýip, GlobalData konsalting kompaniýasynyň maglumatlaryna salgylanýan Just Auto habar berýär.
Hytaý iýun aýynda iň uly awtoulag bazary derejesini saklady: ýurtda 2 311 310 awtoulag satyldy, bu bolsa bir ýyl ozalkysyndan 12,6% köpdür. Şol bir wagtyň özünde ABŞ-da satuwlar 4,3% azalyp, 1 264 024 awtoulag boldy. Günbatar Ýewropada 1 260 867 awtoulag satyldy (minus 6,8%), Gündogar Ýewropada – 384 590 (minus 9,9%).
Günorta Amerikada 251 741 awtoulaga çenli - 8,6 göterim ýokarlandy. Ýaponiýada satuw 5,8% artyp, 391 668 awtoulag boldy. Kanada 174 357 awtoulag satdy (3,6% ýokarlandy), Günorta Koreýa 143 507 (6,1% ýokarlandy) satdy.
Umuman alanyňda, 2025-nji ýylyň birinji ýarymynda dünýäde satylan ulaglaryň sany 44 473 945-e ýetdi, bu bolsa geçen ýylyň degişli döwri bilen deňeşdirilende 4,9 göterim ýokarlanandygyny aňladýar.
