Hüjümçi Braýan Mbemo “Brentforddan” “Mançester Ýunaýtede” geçdi. Transfer barada iňlis klubunyň resmi saýtynda habar berilýär.
Kamerunly futbolçy bilen şertnama ýene bir möwsüm uzaltmak mümkinçiligi bilen 2030-njy ýylyň tomsuna çenli hereket edýär. Ol täze klubda 19-njy belgide oýnar.
Žurnalist Kris Uilleriň maglumatlaryna görä, transferiň bahasy 65 mln funt sterling boldy we bonus görnüşinde ýene 6 mln funt sterling göz öňünde tutuldy. “Brentfordyň” resmi saýtynda bellenilişi ýaly, şertnama klubuň taryhynda rekord satuw boldy.
Oýunçynyň özi “MÝ-ni” “arzuwyndaky klub” diýip atlandyrdy.
“Men bu toparyň eşiginde ulaldym. Meniň filosofiýam düýnküden has gowy bolmakda jemleýär. Men täze derejä çykmak, Ruben Amorimden öwrenmek we dünýä derejesindäki beýleki futbolçylar bilen oýnamak üçin güýçli ruhumyň we häsiýetimiň bardygyny bilýärin. Köpler maňa bu ýerdäki atmosfera hem-de hyýallaryňy haýran galdyrýan meýilnamalar barada gürrüň berdi. Bu üýtgeşik stadiony we ajaýyp janköýerleri bolan klub, biz möhüm kuboklar ugrunda göreşmäge ünsi jemleýäris” – diýip, “Mançester Ýunaýtediň” saýty Mbemonyň sözlerini getirýär.
Geçen möwsümde Mbemo ähli ýaryşlarda 42 oýna gatnaşyp, 20 gol geçirdi we dokuz assist etdi. Ol Kamerunyň milli ýygyndysyna wekilçilik edýär, ýöne ozal Fransiýanyň ýetginjekler we ýaşlar toparlarynda oýnapdy.
Geçen möwsümiň jemi boýunça “MÝ” Angliýanyň premýer-ligasynda 42 utuk bilen 15-nji orny eýeledi. Topar Ýewropa ligasynyň finalyna çykyp, “Tottenhemden” 0:1 hasabynda utuldy.
