“Barselona” “Mançester Ýunaýted” bilen 27 ýaşly hüjümçi Markus Reşfordy satyn almak mümkinçiligi bilen kärendesine almak barada ylalaşdy. Bu maglumaty The Athletic-den Dewid Ornşteýn we Fabrisio Romano ýaly abraýly insaýderler tassyklady.
The Athletic-iň maglumatlaryna görä, klublar satyn almak mümkinçiligi bilen birýyllyk kärende barada ylalaşdy, “Barselona” oýunçynyň zähmet hakyny dolulygyna öz üstüne alar.
Fabrisio Romanonyň maglumatlaryna görä, Reşford zähmet hakynyň 15% azaldylmagyna razy boldy. “Barselona” oýunça 14 mln ýewro (salgytlardan öň) tölär we görkezen netijelerine görä goşmaça bonuslar hem göz öňünde tutular. Klub oýunçyny 30 mln ýewro satyn alyp biler.
Reşford “Barselonada” oýnamagy arzuw edendigi üçin zähmet töleginiň azaldylmagyna razy boldy. Ispan metbugaty futbolçynyň katalon klubuna geçmek üçin Saud Arabystanyndan has bähbitli teklipden hem ýüz öwrendigini habar berýär.
Reşford geçen möwsümiň ýarysyny kärendesine hökmünde “Aston Willada” geçirdi. Iňlis metbugatynyň maglumatlaryna görä, ol “Mançester Ýunaýtedde” öz wagtynyň soňlandygyna düşündi. Kyn döwri başdan geçirýän iňlis klubundan tapawutlylykda (geçen möwsümiň jemi boýunça APL-de 15-nji orun), “Barselona” geçen möwsümde Ispaniýanyň çempionatyny utdy we Çempionlar ligasyna gatnaşar.
Reşford “Mançester Ýunaýtediň” ýetişdiren oýunçysydyr. Häzirki wagtda Transfermarkt portaly ony 50 mln ýewro bilen bahalandyrýar.
