Waşington amerikan ştatynda tirannozawrlaryň ýel berilýän eşiklerini geýen adamlaryň arasynda ylgaw boýunça dünýä çempionaty geçirildi. Bu barada CBS News habar berýär.
Çäre Emerald Downs aýlawynda geçirildi. Oňa 300-den gowrak adam gatnaşdy. Ylgaw erkekleriň, zenanlaryň we çagalaryň arasynda aýratyn geçirildi. Dissiplinalaryň biri aýlawa paraşýutly gonmak, soňra pellehana çenli ylgamak boldy.
Ýaryş çapyşyk stilinde gurnaldy. Gatnaşyjylar görmäge päsgel berýän we hereketi çäklendirýän dinozawrlaryň eşiklerini geýýär, bu hem ylgawy has gyzykly edýär.
Çempionat 2017-nji ýyldan bäri her ýyl geçirilýär. Ilkinji ylgaw zyýankeşlere garşy göreş kompaniýasynyň eýeleri tarapyndan işgärler üçin korporatiw çäresi hökmünde gurnaldy. Onuň maksady toparlaýyn ruhy berkitmekden ybarat bolupdy.
Şondan bäri çempionat ýüzlerçe gatnaşyjyny we tomaşaçylary özüne çekýän köpçülikleýin çärä öwrüldi.
