ABŞ-nyň Prezidenti Donald Tramp Victory 45-47 ady bilen öz atyr hatarynyň satuwa çykarylandygyny habar berdi.
Atyrlar onuň 2016-njy we 2024-nji ýyllarda geçirilen Prezident saýlawlarynda gazanan ýeňişleriniň şanyna döredildi (Tramp Ak tamyň hasap boýunça 45-nji we 47-nji ýolbaşçysy boldy).
“Trump atyrlary eýýäm satuwda. Olar Victory 45-47 diýlip atlandyrylýar, sebäbi ýeňşi, güýji we üstünligi alamatlandyrýar – hem erkekler, hem zenanlar üçin. Atyr çüýşesini satyn alyň we öz gadyrdanlaryňyz üçin hem ýene birini satyn almagy ýatdan çykarmaň. Lezzet alyň, şatlanyň we ýeňmegi dowam etdiriň!” – diýip, Tramp Truth Social sosial ulgamynda ýazdy.
Tramp atyr çüýşeleriniň suratyny hem hödürledi. Gaplama erkekler üçin gara reňkde we zenanlar üçin gyzyl reňkde ýerine ýetirilen. Gutularda atyrlaryň önümçiliginiň çäklidigi görkezilýär.
Çüýşede hoşboý ysyň ady we Trampyň goly bar. Gapagy bolsa Prezidentiň gyzyl çaýylan şekili bilen bezelipdir.
