Merab Dwalişwili rewanşda Şon O’Mellini ýeňip, iň ýeňil agramda UFC-niň çempiony titulyny gorady

  • 08.06.2025 17:30
  • 10k+

8-nji iýuna geçilen gije Nýuarkda (Nýu-Jersi, ABŞ) garyşyk başa-baş söweş boýunça UFC 316 ýaryşy geçirildi. Agşamyň esasy wakasynda iň ýeňil agramda UFC-niň çempiony Merab Dwalişwili bu diwizionda öňki çempion Şon O’Mellä garşy titul goragyny geçirdi.

Söweş Dwalişwiliniň üçünji raundda “Demirgazyk – Günorta” demikdiriji usuly arkaly ýeňmegi bilen tamamlandy. Şeýlelikde, Merab yzygider ikinji gezek çempion guşagyny gorady. Şeýle-de, bu onuň yzygider 13-nji ýeňşi boldy.
Ozal şeýle üstünligi UFC-niň Jon Jons, Demetrius Jonson, Habib Nurmagomedow we Maks Holloueý ýaly ýyldyz söweşijileri görkezipdi.
Söweşiň netijesinde Merabyň hasabynda indi 20 ýeňiş bilen dört ýeňliş bar. O’Melliniň hasabynda bolsa 18 ýeňiş we üç ýeňliş bar.
Ýatlap geçsek, Dwalişwili O’Mellini eýýäm ikinji gezek ýeňdi. Mundan öň söweşijiler 2024-nji ýylda duşuşypdy, şol wagt hem emin agzalarynyň biragyzdan karar bermeginde Dwalişwili ýeňiş gazandy. Şondan soň Merab 2025-nji ýylyň ýanwarynda Umar Nurmagomedowa garşy söweşde titulyny üstünlikli gorady, häzir bolsa ikinji goragyny geçirdi.


düýn 19:51
6.2k+

Resmi taýdan: Mahaçew bilen Maddalenanyň titul söweşi noýabrda UFC 322-de geçiriler

Ýarym orta agramda UFC-niň çempiony, awstraliýaly Jek Della Maddalena (18-2) bilen ýeňil agramda promouşeniň öňki çempiony, russiýaly Islam Mahaçewiň (27-1) arasyndaky titul söweşi UFC 322 ýaryşynyň esasy wakasy bolar...

21.08.2025 16:34
14k+

UFC-niň täze çempiony Hamzat Çimaýew dünýäniň iň gowy söweşijileriniň bäşligine girdi

Orta agramda UFC-niň çempiony Hamzat Çimaýew täzelenen Pound4Pound (P4P) reýtinginde dördünji orny eýeledi. BAE-den ýeňilmedik söweşiji UFC 319 ýaryşynda geçirilen titul söweşinde GAR-yň wekili Drikus dýu Plessiden üstün çykandan soň birbada 10 orun ýokary galdy...

17.08.2025 13:33
21k+

Täze çempion! Hamzat Çimaýew Dýu Plessiden üstün çykyp, orta agramda çempion guşagyny aldy

16-njy awgustdan 17-nji awgusta geçilen gije (Aşgabat wagty bilen irden) Çikagodaky United Center arenasynda UFC 319 ýaryşy geçirildi. Onuň esasy wakasy günorta afrikaly Drikus dýu Plessi bilen BAE-niň wekili Hamzat Çimaýewiň arasynda orta agramda titul söweşi boldy...

16.08.2025 16:21
15k+

“Men ony ýatyraryn”, “Oň bir güni galdy”: ertir Çimaýew – Dýu Plessi söweşi geçiriler

17-nji awgustda Çikagoda (Illinoýs ştaty, ABŞ) UFC 319 ýaryşy geçiriler. Orta agramda çempion guşagy üçin agşamyň esasy söweşinde Hamzat Çimaýew bilen Drikus dýu Plessi duşuşar. Çimaýew BAE-niň baýdagy bilen çykyş edýär...