Toyota Gosei kompaniýasy plastigi “kese gaýtadan işlemek” tehnologiýasyny işläp taýýarlady, bu täze komponentleri döretmek üçin hasapdan aýrylan awtomobillerden materiallary 50%-e çenli gaýtadan ulanmaga mümkinçilik berýär. Şol bir wagtyň özünde, täze tehnologiýa ilkibaşdaky plastik bilen deň hili üpjün edýär.
Bellenilişi ýaly, “kese resikling” eýýäm 2024-nji ýyldan bäri Ýewropa bazary üçin Toyota Camry-nyň interýerinde, mysal üçin, ellik gutusynda (bardaçok) ulanylýar.
Kompaniýanyň maglumatlaryna görä, gaýtadan işlenen plastigi ulanmak şeýle komponentleriň önümçiliginde CO2 zyňyndylaryny 40%-e çenli azaldýar.
Toyoda Gosei bu taslama üçin Isono firmasy bilen birleşdi. Olar bilelikde materiallary üýtgetmek usulyny ulandy. Bu hem detallardan alnan polipropileni şol bir detallar üçin gaýtadan ulanmaga, şol bir wagtyň özünde hili saklamaga mümkinçilik berdi.
Ozal awtoulag senagatynda gaýtadan işlenen plastik käbir komponentler üçin ulanylýardy ýa-da energiýa almak üçin ýakylýardy.
Kompaniýa 2030-njy ýyla çenli gaýtadan işlenen plastigi awtomobilleriň içki hem daşky bölekleri üçin ulanmagy meýilleşdirýär.
Tehnologiýa täze ekologiýa talaplaryna, şol sanda ÝB-niň 2031-nji ýylda güýje girjek ulag serişdelerini peýdaly ulanmak düzgünlerine laýyk gelýär. Geljekde tehnologiýa durnukly önümçiligiň täze standarty bolup biler.
Toyoda Gosei Ýaponiýanyň Toyota awtoulag ägirdiniň bir bölegidir. Ol awtomobiller üçin rezin we plastik komponentleri öndürmäge ýöriteleşýär.
