Huawei kompaniýasy Qingyun hatarynyň täze täjirçilik noutbugyny – Qingyun HM940-y hödürledi. Ol kompaniýanyň öz Huawei OS operasion ulgamyna eýe bolan ilkinji täjirçilik noutbugy boldy.
Ozal Qingyun hatarynyň noutbuklary Windows ýa-da Lunix bilen işleýärdi.
Dizaýny boýunça Qingyun HM940 öňki modellere meňzeýär. Ol iki reňkde elýeterli: Clear Blue и Inkstone Black. Onuň esasy aýratynlygy klawiaturada aýratyn AI klawişiniň peýda bolmagydyr.
Modeliň ululygy 310 x 222 x 13,5 mm bolup, agramy 970 grama barabar. Ol durulygy 3120 x 2080 piksel we iň ýokary ýagtylygy 1000 nite çenli bolan 14,2 dýuýmlyk OLED displeýi bilen üpjün edildi. Ekran 60 ýa-da 120 Gs täzelenmäni, sensor dolandyryşy goldaýar.
Prosessor barada maglumat ýok, ýöne aýratyn grafiki bloguň bardygy bellendi. Noutbuk Huawei Super Celia Business AI toplumynyň gurallaryny ulanýar – olar prezentasiýalary döretmäge, suratlardan tekstleri almaga, ses arkaly dolandyrmaga we Huawei telefonlary bilen sinhronlamaga mümkinçilik berýär.
Goşmaça funksiýalaryň arasynda kursory gözüň ýa-da eliň hereketi bilen dolandyrmak mümkinçiligi hem-de kamerany, mikrofony we geolokasiýany öçürýän aýratyn düwme bar.
Noutbuk 70 Wt/sag akkumulýator bilen enjamlaşdyryldy we 140 Wt kuwwatly zarýad alşy goldaýar. Ol 30 minutda 70% zarýad alýar we beýleki gurluşlara zarýad berip bilýär (66 Wt çenli). Üç USB-C porty bar.
Operatiw ýat – 24 ýa-da 32 GB, içki – 512 GB ýa-da 1 TB. Wi-Fi 7, Bluetooth 5.2 we Nearlink goldawy bar. Audioulgam alty dinamigi we dört mikrofony öz içine alýar.
Noutbugyň bahasy häzirlikçe belli däl.
