Metaphone amerikan startapy daşky görnüşi boýunça telefona meňzeýän akril plitkasyny satuwa çykardy. Bu “gajet” nomofobiýa – telefonsyz galmak gorkusy bilen göreşmek üçin döredildi we onuň bahasy 20 dollar.
Işläp düzüjileriň aýtmagyna görä, ol dumskrollingden – habarlar lentasyny ýa-da sosial ulgamlary yzygiderli dörmek endiginden saplanmaga kömek edýär.
Metaphone gyralary ýaşyl bolan dury akrilden ýasaldy. Gurluşyň ýogynlygy döwrebap telefonlar ýaly, takmynan, 6 mm. Ony jübiňde göterip, telefonyň ýanyňda ýaly duýgyny döretmek bolýar. Zerur bolan ýagdaýynda ulanyjy barmaklary bilen gurluşyň tekiz ýüzüni elläp bilýär.
Şeýle-de, 25 dollara Metaphone-yň neon wersiýasy bar. Uzakdan gurluş “Giňişlik” ylmy-fantastik serialyndan dury smartfona meňzeýär, ýöne golaýdan onuň nähili predmetdigi düşnüksiz bolup galýar. “Gajetli” wideo sosial ulgamlarda ýaýrady – ulanyjylar onuň nämä gerekdigine düşünip bilmeýär.
Meňzeş maksat bilen döredilen ýene bir önüm – NoPhone bar. Ony NoPhone LLC topary döretdi. Bu daşky görnüşi boýunça telefona meňzeýän plastik gönüburçlukdyr. Onuň düwmesi, ekrany ýok. Ol suwdan we ýere gaçmakdan gorkmaýar, zarýada mätäç däl. Selfi söýüjiler üçin korpusynda selfi plýonkasy bolan NoPhone Selfie wersiýasy bar – onda öz keşbiňi görmek bolýar. Taslama Kickstarter platformasynda peýda boldy we 60 dollara durýar.
