Bary-ýogy 72 sany öndüriler: De Tomaso «P72» superkarynyň seriýa wersiýasyny tanyşdyrdy

  • 19.05.2025 22:36
  • 6.3k+

«De Tomaso Automobili» italýan brendi 11 ýyldan soň «P72» superkarynyň köpçülikleýin önümçilik üçin niýetlenen wersiýasyny hödürledi. Ilkinji ulaglar müşderilere 2025-nji ýylyň ahyrynda gowşurylar. Bu modelden bary-ýogy 72 sanysy öndüriler.

«P72» konsept-kary ilkinji gezek 2019-njy ýylda Gudwuddaky Tizlik festiwalynda görkezilipdi. Ulagyň dizaýny üçin 1965-nji ýylyň klassyky «De Tomaso P70» modelinden ylham alnypdyr.
Kompaniýanyň inženerleriniň aýtmagyna görä, superkar el bilen ýygnalan 5 litrlik V8 hereketlendiriji bilen enjamlaşdyrylandyr. Onuň kuwwaty 700 at güýjüne çenli ýetýär we 820 Nm tork berýär. Bu hereketlendiriji bilen 6 basgançakly geçiriş karobkasy utgaşýar. Bu bolsa tiz jogap bermegi we dinamiki tizlenmäni üpjün edýär.
«P72-niň» kuzowy uglerod süýüminden taýýarlanypdyr we pes agyrlyk merkezli ýeňil şassiniň üstünde ýerleşdirilipdir. Asma ulgamy itekleýji ştangalar we el bilen sazlanýan 3 derejeli amortizatorlar bilen enjamlaşdyrylan.
Modeliň interýeri minimalist äheňde ýerine ýetirilen. Onda sanly displeýler ýa-da dynç alyş ulgamlary ýok. Diňe analog gurallar we ýörite sargyt esasynda taýýarlanan alýumin düwmeler bar. Neşir edilen suratlarda salonyň bezegi görkezilýär, emma müşderiler öz isleglerine görä içki bezegini üýtgedip saýlap bilerler.
Awtoulagyň bahasy entek mälim edilmedi. Ilkibaşda internetde bu model üçin 1,6 million ýewro baha kesgitlenipdi, ýöne ahyrky bahasy konfigurasiýasyna we aýratyn sargytlara bagly bolar. Önümçiligi Germaniýada alnyp barylýar.

düýn 19:11
12k+

Täze Toyota Camry 2026 15 görnüşde hödürlenýär

GAC-Toyota bilelikdäki kärhanasy Hytaý bazary üçin resmi taýdan 2026-njy model ýylynyň täze Camry-sini hödürledi. Ulag üç dürli güýç gurluşy bilen elýeterlidir: 2,0 litrlik atmosfera benzinli hereketlendiriji we 2,0 hem-de 2,5 litrlik hereketlendirijä esaslanýan iki sany özi zarýad alýan gibrid ulgam...

düýn 18:25
2.1k+

Ferrari Purosangue-leriň hemmesini diýen ýaly tormoz kemçiligi sebäpli yzyna çagyrar

Ferrari kompaniýasy 2025-nji ýylyň fewralyndan şu wagta çenli öndürilen Purosangue krossowerleriniň hemmesini diýen ýaly yzyna çagyrýandygyny mälim etdi. ABŞ-nyň Milli ýol hereketiniň howpsuzlygy dolandyryş gullugynyň (NHTSA) habaryna görä , diňe ABŞ-nyň bazaryndan 541 ulag hyzmat merkezlerine iberiler...

düýn 18:23
4.2k+

Genesis täze V8 hereketlendirijisini görkezdi

Genesis kompaniýasy sekiz silindrli täze hereketlendirijiniň şekillerini görkezdi. Ol Oreca kompaniýasy tarapyndan çydamlylyk ýaryşy üçin işlenip düzülen GMR-001 bolidi üçin niýetlenendir diýip, CarBuzz neşiri habar berýär...

29.07.2025 19:01
4.2k+

Volvo XC 70 wnedorožnigi skandinaw äheňine eýe boldy

Volvo kompaniýasy XC70 wnedorožniginiň täze modelini çykardy. Geçirilýän gibrid özünde skandinaw äheňli ýokary tehnologiýany jemleýär. XC70 SMA-nyň platformasynda gurlan. Güýç gurluşy 1,5 litrlik benzinli hereketlendirijiden we 120 kW kuwwatly elektrik hereketlendirijisinden ybarat...