Toyota ilkinji gezek RAV4 krossoweriniň täze nesliniň resmi tizerini hödürledi. Modeliň doly premýerasy 20-nji maýda bolar.
Suratlarda awtomobil ýokardan görkezilýär, şeýle-de onuň interýeri hödürlenýär. Model kuzowyň iki reňkli boýagyna eýe boldy.
Tehniki aýratynlyklar häzirlikçe belli däl. Deslapky maglumatlara görä, esasy wersiýada krossower 2,5 litrlik benzin hereketlendirijisini we iki elektrik hereketlendirijisini öz içine alýan gibrid enjam bilen üpjün ediler. Şeýle wersiýanyň umumy kuwwaty 225 at güýjüne deň bolar.
Doly herekete getirijili wersiýanyň goşmaça üçünji elektrik hereketlendirijisini almagyna garaşylýar. Netijede, umumy kuwwat 232 at güýjüne ýeter.
Birikdirilýän gibrid (PHEV) wersiýa hem hatarda galar. Onuň aýratynlyklary heniz belli däl.
Täze modeliň satuwynyň 2025-nji ýylyň ahyrynda başlamagyna garaşylýar.
