UFC-niň prezidenti Dana Uaýt russiýaly söweşiji Islam Mahaçewiň ýeňil agramda (70 kg çenli) çempion guşagyny boşadandygyny we ýarym orta diwiziona (77 kg çenli) geçendigini habar berdi. Bu barada ol sosial ulgamlarda göni ýaýlymda aýtdy.
Uaýtyň sözlerine görä, Mahaçew indiki söweşini ýarym orta agramda UFC-niň tituly üçin awstraliýaly Jek Della Maddalena garşy geçirer. Söweşiň takyk senesi we geçiriljek ýeri gijräk belli bolar.
Mahaçew 18-nji ýanwarda Los-Anjelesdäki UFC 311 ýaryşynda geçirilen soňky söweşinde braziliýaly Renato Moýkanony birinji raundda demikdiriji usul bilen ýeňdi. Bu ýeňiş onuň üçin ýeňil agramda yzygider 14-nji boldy. Söweşiji professional karýerasynda jemi 27 ýeňiş gazandy, şolaryň 18-isi möhletinden ir gazanyldy. Şeýle-de, onuň bir ýeňlişi bar.
Maddalena 10-njy maýda Monrealda geçirilen UFC 315-den soň ýarym orta agramda UFC-niň çempiony boldy. Ol emin agzalarynyň biragyzdan karary bilen amerika-palestinaly söweşiji Belal Muhammady ýeňdi. Onuň hasabynda 18 ýeňiş we iki ýeňliş bar.
