Cadillac kompaniýasy V seriýaly doly elektrik güýji bilen işleýän ilkinji modeli bolan Lyriq-V elektrik krossowerini satyp başlady. Onuň önümçiligine 2025-nji ýylyň mart aýynda ABŞ-nyň Tennessi şäherindäki zawodynda başlanypdy.
Lyriq-V iki bezeg derejesinde elýeterlidir: standart görnüşiniň bahasy 80 090 dollardan, premium görnüşiniňki bolsa 85 290 dollardan başlaýar. Iki bezeg derejesi hem iki sany elektrik hereketlendirijisi we 102 kWt-lyk batareýa bilen işleýär. Kuwwaty 615 at güýjüne ýetýär, torky - 650 Nm. Velocity Max režiminde awtoulag 100 km / sag-a 3,3 sekuntda çykýar. Aňrybaş ýöreýiş ätiýaçlygy bir zarýadda 285 mil (takmynan 459 kilometre barabar) ýetýär.
Daşky bezeginiň tapawutly aýratynlygy – sport äheňli öňki bamper we gapdal aýakbasarlarydyr. Salonynda 33 dýuýmlyk egri ekran, giňeldilen hakykat funksiýaly baş ekran we 23 dinamikli AKG ses ulgamy bar. Awtoulag adaptasiýa podweskasy we Brembo tormozlary bilen enjamlaşdyrylandyr.
Model GM BEV3 platformasynda döredilip, markanyň iň meşhur sport elektrik krossoweri hökmünde orun aldy.
