Huawei kompýuterler üçin HarmonyOS operasion ulgamyny tanyşdyrdy

  • 10.05.2025 14:42
  • 1k+

Huawei kompaniýasy HarmonyOS 5 (HarmonyOS NEXT) operasion ulgamyny hödürledi. Bu ulgam häzirki zaman emeli aň mümkinçiliklerine eýe bolup, esasan-da Hytaýyň kompýuter bazaryna gönükdirilendir. Bu barada «Huawei Central» habar berýär.

Resmi maglumatlara görä, stol kompýuterleri üçin niýetlenen HarmonyOS 5 ulgamy Huawei-niň smartfonlary, planşetleri we noutbuklary bilen bökdençsiz integrirlenýär we müňden gowrak enjam bilen işleýär. Şeýle-de bu ulgam emeli aň algoritmleri esasynda işleýän birnäçe funksiýany hem goldaýar.
Ulanyjy üçin amatlylygy ýokarlandyrmak maksady bilen, taçpad we sensor ekranda hereketler arkaly dolandyryş girizilen. Mysal üçin, üç barmagyň bilen süýşürmek arkaly köp wezipeli iş tertibine geçmek mümkin. Mundan başga-da ulanyjylar indi diňe gözleriniň hereketi bilen kursory bir enjamdan beýlekisine geçirip bilerler. Huawei Share tehnologiýasy faýllary örän tiz geçirmäge mümkinçilik berýär.
Howpsuzlyk taýdan ulgam maglumatlary şifrlemegi, programmalara diňe bir gezeklik rugsat bermegi, faýl paýlaşygyna çäklendirme girizmegi hem-de «super gizlinlik tertibini» öz içine alýar. Şeýle hem «Star Flash Find» programmasy arkaly enjamy öçürilen bolsa-da tapyp bolýar.
Xiaoyi atly emeli aň kömekçisi sesli buýruklar, tekst hem-de suratlar bilen işläp bilýär. Mysal üçin, kömekçiden suratyň içindäki teksti alyp, ony terjime etmegini (21 dili goldaýar), şablon, prezentasiýa ýa-da ýol görkeziji düzmegini, gürrüňiň gysgaça mazmunyny häzirki wagtda taýýarlamagyny ýa-da dürli näsazlyklary düzetmäge ýardam bermegini haýyş edip bolýar.
Bu ulgam ilkinji gezek Huawei MateBook Pro kompýuterinde görkezildi. HarmonyOS bilen enjamlaşdyrylan ilkinji kompýuterler Hytaýda 19-njy maýda tanyşdyrylar.


18.08.2025 10:17
5.5k+

DXOMark: Huawei Pura 80 Ultra dünýädäki iň gowy kamerofonlaryň sanawynda öňdäki orny eýeledi

Huawei Pura 80 Ultra DXOMark-yň global kamerofonlarynyň sanawynda öňdäki orny eýeledi we umumy bal boýunça rekord goýdy. DXOMark-yň berýän maglumatlaryna görä, enjam dünýä sanawynda 175 bal gazanyp, ähli kategoriýalarda iň gowy netijeleri görkezdi...

14.08.2025 16:20
2.2k+

Huawei üç ekranly Mate XT-2 smartfonyny iPhone 17-niň tanyşdyryljak güni hödürlär

Huawei eplenýän üç ekranly smartfonynyň täze görnüşini – Mate XT 2 smartfonyny taýýarlaýar. Fixed Focus Digital insaýderleriniň maglumatlaryna görä, smartfonyň tanyşdyrylyşy 10-njy sentýabrda bolup biler. Bu sene Apple-iň iPhone 17 smartfon hatarynyň garaşylýan tanyşdyrylyş dabarasy bilen gabat gelýär...

13.07.2025 19:10
4.6k+

Huawei kompaniýasy Pura 80 we Pura 80 Pro smartfonlarynyň global wersiýalaryny tanyşdyrdy

Huawei kompaniýasy Pura 80 we Pura 80 Pro smartfonlarynyň halkara wersiýalaryny hödürledi. Enjamlar displeý aýratynlyklary we kamera konfigurasiýasy bilen biri-birinden tapawutlanýar. Esasy modeliň ekrany 6,6 dýuým, Pro wersiýasynyňky bolsa 6,8 dýuým...

30.06.2025 18:48
3.6k+

Huawei kompaniýasy Pura 80 hatarynyň global tanyşdyryş senesini yglan etdi

Huawei kompaniýasy täze Pura 80 smartfon hataryny 10-njy iýulda dünýä bazaryna hödürlär. Dünýä boýunça tanyşdyrylyş dabarasy Dubaýda geçiriler. Bu barada kompaniýanyň resmi beýannamasyna salgylanyp, Gizmochina portaly habar berdi...