Toyota 2025-nji model ýyly üçin Yaris Cross krossowerini täzeledi we kuwwaty 130 at güýji bolan gibrid gurluşly wersiýasyny arzanlatdy.
Indi bu elektrik gurluşy diňe bir ýokary derejeli Executive komplektasiýasynda däl, eýsem has amatly bahaly Dynamic-de hem elýeterlidir. Bu wersiýanyň bahasy 34 695 ýewrodan başlaýar.
Executive we GR Sport komplektasiýalary degişlilikde 37 795 we 39 995 ýewrodan satylýar.
115 at güýji bolan gibrid görnüşi öňküsi ýaly Active komplektasiýasynda 31 495 ýewrodan, Dynamic komplektasiýasynda bolsa 33 995 ýewrodan satylýar.
Daşky görnüşi täzelenen Yaris Cross iki sany täze Storm Grey we Forest Green reňkleri bilen tapawutlanýar.
Güýçli gibrid wersiýanyň bahasynyň arzanlamagy tygşytly we tehnologiki taýdan ösen şäher krossowerlerini gözleýän alyjylar üçin saýlawy giňeldýär.
