Škoda Auto Çehiýadaky zawodlarynda täze dizel awtomobilleri hem-de içerki logistika ulaglary üçin ýangyç hökmünde wodorodyň kömegi bilen arassalanan ösümlik ýagyny (HVO) ulanyp başlady.
HVO biodizel ýaly oba hojalyk ekinlerinden däl-de, ulanylan ösümlik ýagy we ýaglar ýaly galyndylardan öndürilýär.
HVO ýangyjy dizeliň ornuny tutýar. Ol dury, yssyz diýen ýaly we ýokary setan görkezijisine eýedir (70). Bu HVO-nyň ýeňil otlanýandygyny we netijeli ýanýandygyny aňladýar. Bu hem gurum ýaly zyýanly maddalaryň zyňyndylaryny azaldýar. HVO-da kükürt we ysly birleşmeler ýok, şol sebäpli gurum süzgüçleri uzak we netijeli, hereketlendiriji bolsa sessiz hem akgynly işlär. Ony adaty dizel bilen garmak bolýar.
2021-nji ýylyň iýun aýyndan bäri çykarylan Škoda-nyň ähli dizel modelleri HVO üçin gabat gelýär. Şeýle awtomobilleriň ýangyç gabynyň gapagynda XTL belgisi bar. Has köne modelleriň eýelerine ýangyjyň gabat gelýändigini ýa-da ýokdugyny dilerlerden anyklamak maslahat berilýär. Bu ýangyç Ýewropada giňden elýeterlidir.
Škoda Auto-nyň wekili Karsten Şnakeniň aýtmagyna görä, Škoda Volkswagen toparynda zawodda ýeňil awtomobillere we beýleki ulaglara HVO guýmaga geçen ilkinji brend boldy. 2024-nji ýylyň awgustyndan dekabr aýy aralygynda Škoda ulaglary 46 000 litr HVO sarp etdi, bu hem CO2 žyňyndylaryny 300 tonna azaltmaga mümkinçilik berdi.
