“Barselonanyň” we Ispaniýanyň milli ýygyndysynyň 17 ýaşly wingeri Lamin Ýamal Madridde geçirilen Laureus World Sports Awards 2025 dabarasynda “Ýylyň öňegidişligi” baýragyny aldy. Bu barada baýragyň metbugat gullugy X sosial ulgamynda habar berýär.
Futbolçy şu möwsüm “Barselonanyň” üstünliginde möhüm orun eýeledi. Ol La Ligada alty gol geçirip, 12 assist etdi we Çempionlar ligasynda-da üç gol geçirdi. 2024-nji ýylyň tomsunda ol 16 ýaşynda Ýewropa çempionatyna gatnaşan iň ýaş oýunçy boldy hem-de 17 ýaşynyň dolan gününiň ertesi ýaryşda ýeňiş gazandy.
Geçen ýyl bu nominasiýada baýragy “Realyň” ýarymgoragçysy Jud Bellingem alypdy. Baýrak belli türgenleri öz içine alýan halkara eminler tarapyndan berilýär.
