Land Rover kompaniýasy Defender Sport atly täze ykjam wnedorožnigiň üstünde işleýär. Bu model doly göwrümli Defender-e alternatiwa we elýeterli wnedorožniklere bolan islege jogap bolar. Prototip eýýäm synagdan geçirilýär we täze önüm baradaky maglumatlar JLR-iň web sahypalarynda çap edildi.
Defender Sport uly doganynyň häsiýetlerini saklar, ýöne biraz gysga, ýeňil we şäher rahatlygyna laýyklanar. Ol Discovery Sport-yň ornuny tutar we Ford Bronco Sport -yň analogy bolar.
Täze model täzelenen Evoque-nyň we Velar -yň hem esasyny düzjek 800 woltlyk EMA platformasynda gurlar. Önümçilik Beýik Britaniýada Heýlwuddaky zawodda guralar. Bu maksat bilen eýýäm elektrikleşdirmeklige 500 million dollar maýa goýuldy. Motorlary we batareýalary hindi Tata Group-y üpjün eder.
Defender Sport elektrikli ýa-da gibrid güýç gurluşly hödürlener.
Täze model Skoda Kodiaq, Toyota Land Cruiser 250, Dacia Bigster we geljekde Mercedes-iň ykjam G-Class-y bilen bäsleşer.
Modeliň ilkinji çykyşy 2026-njy ýylda meýilleşdirilýär. Defender Sport Land Rover -iň täze nesliniň iň meşhur modeli bolar diýlip garaşylýar.
