Maýamide geçirilen UFC 314 ýaryşynyň esasy söweşinde Aleksandr Wolkanowski Diego Lopes bilen duşuşdy. Ýarym agyr agramda erkin titul üçin söweş bäş raund dowam edip, Wolkanowskiniň emin agzalarynyň biragyzdan karar bermeginde ýeňiş gazanmagy bilen tamamlandy. Awstraliýaly ýene-de çempion boldy.
2024-nji ýylyň fewral aýynda Wolkanowski Iliýa Topuriýadan nokaut arkaly ýeňlip, guşagyny ýitiripdi. Ýöne şu ýylyň fewral aýynda Topuriýa ýeňil agrama geçmek isleýändigini mälim edip, tituly meýletin boşatdy.
Indi Wolkanowskiniň hasabynda 27 ýeňiş we dört ýeňliş bar. Lopes karýerasynda ýedi ýeňliş bilen 26 ýeňiş gazandy.
Agşamyň ýene bir esasy söweşinde Peddi Pimblett Maýkl Çendleri üçünji raundda nokauta düşürdi. Britaniýaly üçin bu 23-nji ýeňiş boldy. Şeýle-de, onuň hasabynda üç ýeňliş bar. Ol 2024-nji ýylyň iýul aýynda Bobbi Grinden sabmişn arkaly üstün çykdy. Hasabynda 23 ýeňiş we on ýeňliş bolan Çendler 2024-nji ýylyň noýabr aýynda Çarlz Oliweýradan ýeňildi.
Ýene bir tutluşykda Ýair Rodriges üç raundlyk söweşde emin agzalarynyň biragyzdan karary bilen Patrisio Freýreden üstün çykdy. Rodrigesiň hasabynda 20 ýeňiş we bäş ýeňliş bar. Ol 2024-nji ýylyň fewral aýynda sabmişn arkaly Ortegadan ýeňildi. 36 ýeňiş we sekiz ýeňliş bilen Freýre 2024-nji ýylyň mart aýynda Jeremi Kennedini nokauta düşürdi.
Sporty Salaries-iň maglumatlaryna görä, Wolkanowski Maýamide 2,6 mln dollar, Lopes 1,5 mln dollar gazandy. Şeýle-de, olar agşamyň iň gowy söweşi üçin bonus aldy (50 müň dollar).
Pimblett 471 müň dollar, Çendler 521 müň dollar gazandy.
