Filadelfiýanyň haýwanat bagynda üýtgeşik waka bolup geçdi - 97 ýaşly Mommy (Ene jan) atly galapagos pyşbagasy ilkinji gezek ene bolup, dört çaga pyşbagany dünýä inderdi. Maşgalanyň atasy - 90 ýaşly Abrasso atly erkek pyşbaga diýip, ABC News habar berýär.
Alymlar bu wakany ýitip barýan görnüşleri halas etmegiň umydy diýip atlandyrýarlar.
Garry pyşbaganyň adyny köpden bäri Mommy lakamy bilen tutýardylar, ýöne häzire çenli bu lakamyň ýaňsylaýjy häsiýeti bardy. Emma indi 2024-nji ýylyň noýabr aýynda basyrylan 16 ýumurtgadan pyşdyljyklar çykdy. Haýwanat bagynyň işgärleri inkubasiýa döwrüne üns bilen gözegçilik etdiler. Temperaturany erkek pyşdyljyklaram, urkaçy pyşdyljyklaram çykar ýaly sazladylar.
"Täze nesiller ýitip gitmek howpy abanýan görnüşleri goramak üçin diýseň möhümdir" - diýip, haýwanat bagynyň gerpetologiýa ugry boýunça müdiri Loren Awgustin nygtady.
Galapagos pyşbagalary hakyky ägirtlerdir. Abrassonyň agramy takmynan 225 kg, Mommynyňky bolsa 100 kg-dan gowrak. Bu haýwanlar 200 ýyla çenli ýaşap bilýärler.
Çaga pyşdyllar häzirki wagtda alymlaryň gözegçiligi astynda. Ýakynda wagtda olary köpçülige görkezerler. Geljekde çaga pyşbagalar nesli dikeltmek üçin beýleki haýwanat baglaryna ýa-da goraghanalara iberilip bilner.
