Toyota 23-nji aprelde Şanhaýda (Hytaý) geçiriljek awtosergide ýolsuz ýerler üçin niýetlenen Century 2025 awtoulagyny köpçülige hödürlär. Hytaýda bu model «Shiji» ady bilen meşhurdyr diýip, «ITHome» belleýär.
Lýuks synpa degişli model adaty gara reňkde we hrom elementler bilen bezelen görnüşde öndürilýär.
Bahasy häzirlikçe mälim edilmedi, ýöne öňki wersiýasynyň bahasy, takmynan, 270 müň dollar töweregi.
Ulagyň öň tarapy uly gözenek we LED faralar bilen enjamlaşdyrylan. Kuzowynda Century hataryna degişli modellere mahsus bolan «Phoenix» logotipi saklanypdyr.
Ulagyň ölçegleri – 5205 × 1990 × 1805 mm. Teker bazasy – 2950 mm.
Modeliň esasynda 3,5 litrlik V6 benzinli hereketlendiriji bilen iki sany elektromotordan ybarat gibrid ulgam ýerleşýär. Umumy kuwwaty 303 kWt-a ýetýär.
Ulag E-CVT transmissiýasy we E-Four doly herekete getiriji ulgam bilen üpjün edilen. CLTC standartyna görä, diňe elektrik energiýasy bilen 70 km ýol geçip bilýär. 0-dan 100 km/sag tizlige 6,7 sekuntda ýetýär. Iň ýokary tizligi bolsa – 180 km/sag.
