UFC-niň prezidenti Dana Uaýt UFC 316 ýaryşynyň esasy söweşini yglan etdi. Iň ýeňil agramda promouşeniň çempiony, gruziýaly Merab Dwalişwili titulyň öňki eýesi, amerikaly Şon O’Melli bilen duşuşar. Rewanş 7-nji iýunda Nýuarkda (ABŞ) geçiriler.
Ikinji möhüm söweş Julianna Penýa bilen Kaýla Harrisonyň arasyndaky titul tutluşygy bolar.
Dwalişwiliniň hasabynda 19 ýeňiş (şol sanda dört sany möhletinden ir) we dört ýeňliş bar. O’Melliniň hasabynda bolsa 18 ýeňiş bilen iki ýeňliş bar. Olaryň birinji söweşi 2024-nji ýylyň sentýabr aýynda UFC 306-da boldy. Şonda Dwalişwili emin agzalarynyň biragyzdan karar bermeginde ýeňiş gazanyp, O’Mellini guşagyndan aýyrdy.
