Halkara küşt federasiýasy (FIDE) küştüň taryhyna bagyşlanan ilkinji sanly muzeýiň açylandygyny habar berdi. Täze onlaýn-arhiw oýnuň ösüşi baradaky gyzykly materiallary hödürläp, gadymy döwürlerden häzirkizaman ýaryşlaryna çenli döwri öz içine alýar.
Guramanyň maglumatlaryna görä, muzeý küşt artefaktlarynyň dünýäde iň uly ammary bolar. Ol kitaplary, resminamalary we beýleki gymmatly materiallary birleşdirýär.
“Küşt sportuň iň gadymy görnüşleriniň biridir. Asyrlaryň dowamynda oýun, oýunçylar, wakalar barada köp sanly kitaplar ýazyldy. Häzir köp zatlar onlaýn elýeterli bolsa-da, küştüň tutuş taryhyny gürrüň berýän bir bitewi resmi başlangyç ýetenok. FIDE-niň onlaýn muzeýi – bu hut gerekli zat. Küşt jemgyýeti mugt elýeterli bolan täze çeşmelere ýokary baha berer diýip umyt edýäris” – diýip, federasiýanyň prezidenti Arkadiý Dworkowiç aýtdy.
Sanly muzeýe şu salgy boýunça girip bilersiňiz.
