Chevrolet Blazer EV.R ýaryş elektrokarynyň - Next Gen şassisindäki, NASCAR ýaryşlary üçin niýetlenen konseptiň işlenip düzüliş jikme-jikliklerini paýlaşdy. Prototip Daytona 500 ýaryşynyň öňüsyrasynda çykdy we elektrikli awtosportuň geljegini görkezýär.
Blazer EV.R tapgyrlaýyn çykan Blazer EV SS-iň suduryny özünde saklaýar, ýöne oturşy peseldi, kuzowy giňeldi we aerodinamikasy gowulaşdy. GM-da ulag işlenip taýýarlananda onuň fiziki modelirlenişine uly üns berendiklerini nygtadylar. Korpusynyň üstünde işlemek üçin palçykdan ýasalan model ulanylypdyr, soňra sanly görnüşde işläp üstüni ýetiripdirler.
Konsept üç sany elektrik hereketlendirijisi bilen enjamlaşdyrylandyr: biri öňde we ikisi yzda. Güýç gurluşynyň umumy kuwwaty 1300 at güýjüne deňdir.
Ilkinji synag Günorta Karolinada trekde geçirildi. Elektrokary ýaryşçy türgen Jastin Allgaýer sürdi.
Kompaniýa Blazer EV.R-iň häzirlikçe görkezme awtoulagy bolup galýandygyny belledi. Ýöne onuň peýda bolmagy General Motors-yň, hatda ýaryş awtoulaglaryny hem elektrikleşdirmek isleýändigini görkezýär.
