Milli bahar baýramy mynasybetli Garagum sährasynda geçirilen awtomobil sportunyň ralli-reýd görnüşi boýunça Türkmenistanyň Kubogynda Türkmenistanyň Awtoulag sport federasiýasyndan «Nissan Patrol» awtomobilinde ýaryşan Maksatmyrat Daňatarow ýeňiji boldy.
Iki günläp dowam eden ýaryşa Türkmenistanyň Awtomobil sport federasiýasynyň we Türkmenistanyň Içeri işler ministrliginiň garamagyndaky polisiýa bölümleriniň toparlaryndan bäş türgen, «Türkmenawtoulaglary» agentliginden bolsa bir türgen gatnaşdy.
Ahal welaýatynyň Bäherden etraby boýunça Garagum sährasynda uzynlygy 143 kilometre barabar bolan ýol çekildi. Birinji gün oňa gatnaşanlar 33 kilometr, ikinji gün bolsa 110 kilometr aralygy geçdiler.
Maksatmyrat Daňatarowyň topardaşy Meýlis Abdyllaýew «Nissan Patrol-da» ikinji ýeri eýeledi. Baýraga mynasyp bolan ilkinji üçlügiň soňunda Türkmenistanyň Awtoulag sport federasiýasynyň başga bir wekili Ýolaman Abaýew «Mitsubishi L200» awtomobilinde eýeledi.
