Şon Bredi UFC-de Leon Edwardsy demikdiriji usul bilen ýeňdi

  • 23.03.2025 17:42
  • 6.2k+

22-nji martda Londondaky (Beýik Britaniýa) “O2 Arenada” garyşyk başa-baş söweş boýunça UFC Fight Night 255 ýaryşy geçirildi. Onuň esasy söweşinde öňdebaryjy ýarym orta agramly söweşijiler (77 kg çenli) – öňki çempion, angliýaly Leon Edwards bilen amerikaly Şon Bredi duşuşdy.

Söweş dört raund dowam edip, Brediniň demikdiriji usul arkaly ýeňiş gazanmagy bilen tamamlandy. Indi Brediniň hasabynda 18 ýeňiş we bir ýeňliş bar.
Edwards üçin bu möhletinden ir ilkinji ýeňliş boldy. Onuň hasabynda 22 ýeňiş we bäş ýeňliş bar.

Edwards soňky gezek oktagona 2024-nji ýylyň awgust aýynda çykdy we häzirki çempion Belal Muhammaddan ýeňlip, çempion guşagyny ýitirdi. Öz gezeginde, Bredi soňky söweşini 2024-nji ýylyň sentýabr aýynda geçirdi. Ol emin agzalarynyň biragyzdan karar bermegi bilen Gilbert Býornsden üstün çykdy.
Agşamyň ýene bir esasy söweşinde polşaly Ýan Blahowiç bilen Täze Zelandiýanyň wekili Karlos Ulberg duşuşdy. Söweş üç raund dowam edip, emin agzalarynyň biragyzdan karar bermeginde Ulbergiň ýeňiş gazanmagy bilen tamamlandy.
Blahowiç üçin bu ýeňliş karýerasynda garyşyk başa-baş söweşde 11-nji we UFC-de yzygider ikinji boldy.


düýn 19:51
6.4k+

Resmi taýdan: Mahaçew bilen Maddalenanyň titul söweşi noýabrda UFC 322-de geçiriler

Ýarym orta agramda UFC-niň çempiony, awstraliýaly Jek Della Maddalena (18-2) bilen ýeňil agramda promouşeniň öňki çempiony, russiýaly Islam Mahaçewiň (27-1) arasyndaky titul söweşi UFC 322 ýaryşynyň esasy wakasy bolar...

21.08.2025 16:34
14k+

UFC-niň täze çempiony Hamzat Çimaýew dünýäniň iň gowy söweşijileriniň bäşligine girdi

Orta agramda UFC-niň çempiony Hamzat Çimaýew täzelenen Pound4Pound (P4P) reýtinginde dördünji orny eýeledi. BAE-den ýeňilmedik söweşiji UFC 319 ýaryşynda geçirilen titul söweşinde GAR-yň wekili Drikus dýu Plessiden üstün çykandan soň birbada 10 orun ýokary galdy...

17.08.2025 13:33
21k+

Täze çempion! Hamzat Çimaýew Dýu Plessiden üstün çykyp, orta agramda çempion guşagyny aldy

16-njy awgustdan 17-nji awgusta geçilen gije (Aşgabat wagty bilen irden) Çikagodaky United Center arenasynda UFC 319 ýaryşy geçirildi. Onuň esasy wakasy günorta afrikaly Drikus dýu Plessi bilen BAE-niň wekili Hamzat Çimaýewiň arasynda orta agramda titul söweşi boldy...

16.08.2025 16:21
15k+

“Men ony ýatyraryn”, “Oň bir güni galdy”: ertir Çimaýew – Dýu Plessi söweşi geçiriler

17-nji awgustda Çikagoda (Illinoýs ştaty, ABŞ) UFC 319 ýaryşy geçiriler. Orta agramda çempion guşagy üçin agşamyň esasy söweşinde Hamzat Çimaýew bilen Drikus dýu Plessi duşuşar. Çimaýew BAE-niň baýdagy bilen çykyş edýär...