Toyota kompaniýasy Hino Motors bölümçesi we zyňyndylar barada maglumatlaryň galplaşdyrylmagy sebäpli dawa merkezine düşdi.
Detroýdyň federal kazyýeti Hino-ny köpýyllyk kezzaplykda günäkär hasaplap, ony 1,6 mlrd dollar möçberde jerime tölemäge borçlandyrdy.
Kazyýet çözgüdi 521,76 mln dollar möçberde jerimäni we döwletiň haýryna 1,087 mlrd dollar öwez tölegini öz içine alýar. Mundan başga-da, Hino kompaniýasyna bäş ýylyň dowamynda ABŞ-a öz öndüren dizel hereketlendirijilerini getirmek gadagan edildi.
Derňew işleri 2010-njy ýyldan 2022-nji ýyl aralygynda kompaniýanyň 105 000-den gowrak awtomobil üçin zyňyndylar baradaky maglumatlary galplaşdyrandygyny anyklady, ýöne içerki barlaglar galplaşdyrmanyň baryp 2003-nji ýylda başlandygyny görkezdi. Synaglar düzgün bozmalar bilen geçirilip, zyňyndy görkezijileri emeli usulda peseldilipdir.
Hino hapalanmanyň derejesini azaltmak üçin deňiz we demirýol ulaglarynda hereketlendirijileri döwrebaplaşdyrmak maksatnamasyna 155 mln dollar berer. Ýene 144,2 mln dollar 2017-2019-njy ýyllarda çykan ýük ulaglarynyň hereketlendijilerini yzyna gaýtarmaga we düzetmäge gönükdiriler.
