Motor ýagynyň nädogry saýlanmagy hereketlendirijiniň hyzmat ediş möhletini gysgaldyp, ýangyç sarp edilişini köpeldip, aşa gyzmaklyga we bölek şaýlarynyň tiz zaýalanmagyna sebäp bolýar. Bilermenler ýag saýlananda nämelere üns bermelidigini belledi.
Esasy görkeziji - ýagyň dykyzlygydyr. Öndürijiler SAE standartlaryna laýyk gelýän, maslahat berilýän görkezijileri salgy berýärler. Dykyzlygy talabalaýyk bolmadyk ýagyň ulanylmagy ýaglanyşy ýaramazlaşdyryp, aşa gyzmaklyga sebäp bolup biler.
Düzümini göz öňünde tutmak hem möhümdir. Mineral ýaglar köne motorlar üçin amatlydyr, ýöne olar häsiýetini çalt ýitirýär. Sintetiki ýaglar agrama çydamly bolýar we hereketlendirijiniň hyzmat ediş möhletini uzaldýar. Ýarym sintetiki ýaglaryň hili bahasyna laýykdyr.
Şeýle hem, awtoulag öndürijiniň maslahat beren ýagyny göz öňünde tutmalydyr. Laýyk gelmeýän ýag hereketlendirijä zeper ýetirip biler.
Prisadkalar we goşundylar, ýagyň düzümindäki könelmä garşy bölekler ýanygyň emele gelmeginiň we könelmegiň öňüni alýar. Wagtly-wagtynda ýagy çalşyp durmak hereketlendirijiniň durnukly işlemegini üpjün edýär. Hatda ýokary hilli ýag hem wagtyň geçmegi bilen häsiýetini ýitirýär, şonuň üçin maslahat berilýän wagt aralygynda ýagy çalşyp durmak möhümdir.
