2026-njy ýyldan başlap, Cadillac-yň ähli elektromobilleri giňişleýin ses we ýokary rahatlyk üpjün edýän Dolby Atmos ses ulgamy bilen enjamlaşdyrylar.
Mundan öň Cadillac-yň käbir modelleri AKG premium ses ulgamy bilen üpjün edilýärdi, emma indi ähli elektrikli modellerde, şol sanda «Escalade IQL», «Vistiq» we «Lyriq-V» ýaly täze modellere-de Dolby Atmos standart bolar.
2025-nji ýylyň benzinli «Escalade» modelleriniň eýeleri hem bu ses ulgamyny simsiz täzelenme arkaly gurnap bilerler.
Cadillac Dolby bilen hyzmatdaşlygyň geljege gönükdirilen möhüm ädimdigini belläp, häzirki zaman awtomobil brendleriniň diňe bir güýç we dizaýna däl-de, eýsem ösen multimediýa tehnologiýalaryna-da uly ähmiýet berýändiklerini nygtaýar.
