Cadillac Escalade SXR 2025 tanyşdyryldy. Ol 1000 at güýjüne çenli kuwwat öndürýän hereketlendiriji bilen üpjün edildi diýip, «GM Authority» ýazýar.
Model iki görnüşde hödürlenýär: esasy görnüşi 6,2 litrlik V8 hereketlendirijisi bilen 700 at güýjüni öndürýär, iň güýçli görnüşi bolsa 6,8 litrlik hereketlendirijisi bilen 1000 at güýjüne ýetýär. Iki hereketlendiriji hem süýlüp ýasalan tirsekli wal, alýumin porşenler we täzeden işlenen silindr başy bilen güýçlendirilen. Mundan başga-da ýörite nagnetatel we poslamaýan polatdan ýasalan sport wyhlop ulgamy oturdylan.
Escalade SXR modeli 22 dýuýmlyk teker diskleri, 16,1 dýuýmlyk ýelejiredilýän tormoz diskleri we alty porşenli Brembo tormoz ulgamy bilen enjamlaşdyrylan. Agramy peseldilen asma ulgamy, awtomatiki çykyp-girýän basgançaklar we gara reňkli bezeg elementleri bu modele aýratyn keşp berýär.
Her görnüşden 50-si, ýagny bu ulagdan jemi 100 sanysy öndüriler.
