Telegram topary messenjerde habarlaşmagyň düzgünlerini üýtgedýän täzelenmäni çykardy.
Esasy täzelik – tölegli hatlar. Indi Premium abunalygy bolan ulanyjylar nätanyş adamlardan gelýän hatlar üçin baha kesgitläp bilerler.
«Şeýlelikde, indi diňe hakykatdanam siziň wagtyňyzyň gadyryny bilýän adamlar size ýüz tutup biler» diýip, Telegram düşündirdi. Munuň üçin ulanyjylara «Ýyldyzlar» (Stars) berilýär, olar bolsa Fragment platformasy arkaly nagtlaşdyrylýar.
Mümkinçilikler giňeldildi: belli-belli adamlara mugt hat ýazmaga rugsat bermek ýa-da «Ýyldyzlary» olara yzyna gaýtarmak mümkin. Funksiýany açmak üçin «Sazlamalar» (Настройки) > «Gizlinlik» (Конфиденциальность) > «Hatlar» (Сообщения) bölümine girmeli.
Ýene bir täzelik – nätanyş adamlar bilen baglanyşykly maglumat bloklary. Eger nätanyş biri size hat ýazsa, onuň ýaşaýan ýurdunyň ady, umumy toparlary we hasaba alnan senesi çatda görkeziler. Bu kim bilen habarlaşýandygyňyza tiz akyl ýetirmäge kömek eder.
Şeýle hem «Ýyldyzlar» arkaly Premium abunaçysy bolmak mümkinçiligi girizildi – özüňiz üçin ýa-da başga birine sowgat hökmünde. Toparlar indi «Ýyldyz» balanslaryny gönüden-göni öz profillerinden dolandyryp bilerler.
Beýleki üýtgeşmeleriň arasynda – profilde 6-a çenli sowgatlary berkidip goýmak we Android programmasyndan Chromecast arkaly wideo görkezmek mümkinçiligi bar.
