Renault R16 we Scenic modelleriniň däbini dowam etdirýän Symbioz gibrid krossowerini hödürledi. Awtoulag häzirki zaman tehnologiýalaryny Renault maşgala awtoulaglarynyň däpleri bilen sazlaşdyrýar.
Model öň tekeri hereketli gibrid ulgam bilen, ýagny 1,6 litrlik benzinli hereketlendiriji we iki sany elektrik hereketlendirijisi bilen enjamlaşdyrylandyr. Bir elektrik hereketlendirijisi (36 kWt) ýoluň sürmesi kyn böleklerinde kömek etmek bilen, içinden ýandyrylýan hereketlendirijiniň işleýşini goldaýar. Ikinjisi, ýangyç sarp edişini 4,8 l / 100 km-e çenli azaldyp, starter-generatoryň wezipesini ýerine ýetirýär.
Ulgam, topografiýany we ýol şertlerini seljermek arkaly, 7 km öňünden sürmegiň strategiýasyny çaklaýar. Bu sürüjä ýolda her ýagdaý üçin aýratynlykda iň amatly sürüş režimini saýlamaga kömek edýär. Symbioz ýolagçylar üçin rahatlygy hem hödürleýär, ýagny oturgyçlaryň yzky hataryny 16 sm süýşürip, ýükdanyň göwrümini 492-den 624 litre çenli giňeldip bolýar. Awtoulag giňişligi we rahatlygy üpjün edýän Clio CMF-B platformasynda guruldy. Ýewropada täze önümiň bahasy 30 müň ýewrodan başlaýar.
