Belarus Respublikasynyň Grodno şäherinde adaty GAZ-21 «Wolganyň» binýadynda täsin sport ulagy döredildi. Ulagyň öň tarapy klassyky Wolganyň keşbini saklap galýar, yzky bölegi bolsa Bugatti Chiron-y ýada salýar. Onuň içki gurluşlary, şeýle-de 300 at güýjüni öndürýän V8 hereketlendirijisi BMW E63-den alyndy. Bu täsin gibrid ulag «Wolgatti» diýip atlandyryldy.
Olar bu taslamanyň üstünde 3,5 ýyl bäri işläp gelýärler. Ulagyň gurluşynda çarçuwasyz gapylar, dürli ölçegli tekerler (öňdäkiler 20 dýuýmlyk, arkadakylar 21 dýuýmlyk) we pnewmatiki asma ulgamy bar. Şeýle hem inženerler 100 km/sag tizlige ýetilende, ulagyň saklanmagyna ýardam berer ýaly, yzky spoýler üçin ýörite programma işläp düzüpdirler.
«Wolgattiniň» döredijileri taslamanyň köpçülikleýin önümçiligini ýola goýmagy meýilleşdirýärler. Häzirki wagtda ulagyň taýýar görnüşdäki bahasy 120 müň dollar (takmynan, 10,5 million rubl) diýlip mälim edildi.
