Bentley täze elektrikli krossowerini işläp düzýär. Kompaniýa täze model üçin Mayon we Barnato atlaryny bellige almak boýunça ýüz tutdy diýip, Ýewropanyň patent edarasyna salgylanyp, «CarMoses» habar berýär.
Mayon ady Filippinlerdäki işjeň wulkan bilen baglanyşykly. Bentley meňzeş usuly ozal hem ulanypdy, mysal üçin, kompaniýa Bentayga adyny Kanar adalaryndaky meşhur gaýalardan alyp goýupdy.
Barnato bolsa 1920-nji ýyllaryň meşhur Bentley Boys toparynyň agzasy bolan iňlis ýaryş sürüjisi Wulf Barnatonyň familiýasydyr. Ol «Le-Man» ýaryşynda üç gezek ýeňiji bolup, Bentley brendiniň taryhynda uly yz galdyrdy
Täze model Bentayga garanyňda has ykjam we ýeňil bolar diýlip garaşylýar. Elektrikli hereketlendiriji bilen üpjün edilendigi sebäpli, ol has çeýe bolar we tiz hereket eder.
Täze elektrikli ulag synaglardan geçirilýär. Bentley ony 2025-nji ýylda hödürlemegi meýilleşdirýär.
