Toyota 2025-nji ýylyň güýzünde ýolsuz ýerler üçin niýetlenen täze ykjam awtoulagyny (wnedorožnigini) tanyşdyrar. Täze ulagyň adynyň FJ bolmagy ähtimal. Ol üç dürli hereketlendiriji ulgam bilen hödürlenip biler diýip, «Carscoops» neşiri habar berýär.
Esasy hereketlendiriji hökmünde «Land Cruiser Prado» modelindäkä meňzeş, dört silindrli we ähli tigirlerden hereketlendirilýän ulgama eýe 2,7 litrlik benzinli hereketlendiriji ulanylar.
Mundan başga 2,5 litrlik hereketlendirijisi bolan gibrid görnüşiniň çykarylmagy hem göz öňünde tutulýar. Bu hereketlendiriji «RAV4 Hybrid» modelinde hem ulanylýar. Emma «Toyota Tacoma» pikabynda ulanylýan 2,4 litrlik turbo hereketlendirijili görnüşiniň çykarylmagy hem mümkin.
Şeýle hem Toyota dolulygyna elektrik energiýasy bilen işleýän modeli hem hödürläp biler. Hödürlenmegi mümkin model Compact Cruiser konseptinden ugur alar. Ol ekologiýa taýdan arassa ulaglara bolan islegiň artmagyna jogap hökmünde dörediler.
Täze ulag hakykatdanam ykjam bolar. Onuň ululygy «Toyota Corolla Cross-yňka» barabar bolar. Şol sebäpden ol «Subaru Crosstrek» modeline-de bäsdeş bolup biler.
Birnäçe ykjam awtoulaglardan tapawutlylykda, FJ rama esasly şassä eýe bolar. Onuň peseltme dişli ähli tigitlerden hereketlendirilýän ulgamy ulagyň ýoldan çykmagyna we kyn şertler hem bolsa geçiş mümkinçiliklerini ýokarlandyrmaga ýardam berer.
