Alef Aeronautics amerikan startapy dik uçmaga we gonmaga ukyply bolan uçýan Model A elektromobilini görkezdi. Ýakynda hödürlenen wideoda Model A ýolda duran Lexus awtomobiliniň üstünden uçup geçip, ýere gonýar.
Kompaniýa eýýäm synaglar we ulanylyş üçin ABŞ-nyň Federal awiasiýa administrasiýasyndan (FAA) şahadatnama aldy. Model A bir zarýadda ýolda 350 km çenli, howada 176 km aralygy geçip bilýär.
Elektromobil doly elektrik tirkegde işleýär, ýöne geljekde wodorod hereketlendirijili wersiýany hem döretmek meýilleşdirilýär.
Model A-nyň bahasy 300 000 dollar bolup, sargytlar eýýäm nobata baglylykda 150 dollar – 1500 dollar aralygynda öňünden tölegler bilen kabul edilýär. Häzirki wagtda 3300 deslapky sargyt bar.
Model A-ny 2025-nji ýylyň ahyryna çenli çykarmak meýilleşdirilýär. Alef 35 000 dollara has elýeterli Model Z modelini hem taýýarlaýar, ýöne ol 2035-nji ýyldan ir peýda bolmaz.
