"Arsenalyň" we Niderlandlar ýygyndysynyň öňki hüjümçisi Robin wan Persi ýakynda Rotterdamyň "Feýenoord" klubunyň baş tälimçisi bolar. Bu barada The Athletic habar berýär.
Häzirki wagtda ol "Herenwen" klubunyň baş tälimçisidir.
Çeşmäniň habaryna görä, taraplar 41 ýaşly hünärmen bilen ylalaşyga geldiler.
Wan Persiniň rotterdamly toparyň ýetişdiren oýunçysydygyny belläp geçmelidiris. Ol ilkinji gezek 1998-nji ýylda 17 ýaşyndaka "Feýenoordyň" ilkinji toparynda oýnap başlaýar we 2004-nji ýyla çenli şol klub üçin oýnaýar. Şondan soň ol öz karýerasyny Londonyň "Arsenal", "Mançester Ýunaýted" we Türkiýäniň "Fenerbahçe" ýaly klublarynda dowam etdirdi. Ol 2018-nji ýylyň ýanwar aýynda "Feýenoorda" gaýdyp geldi we 2019-njy ýylyň maý aýyna çenli özüniň iň soňky möwsümini oýnady. Ol Angliýanyň premýer-ligasynda 2 gezek "Altyn butsynyň" eýesi boldy we Niderlandlar ýygyndysynyň taryhyndaky iň gowy bombardirdir.
Häzirki wagtda "Feýenoordyň" wagtlaýyn baş tälimçisi Paskal Bossartdyr. Onuň ýolbaşçylygynda klub 2 oýnuň jemi boýunça "Milany" utdy we Çempionlar ligasynyň 1/8 finalyna çykdy. Erediwizide (Niderlandlaryň çempionatynda) klub 22 oýunda 40 utuk toplap, dördünji orunda barýar.
