Ýarym orta agram derejesinde (77 kg çenli) UFC-niň çempion titulynyň öňki eýesi angliýaly Leon Edwards indiki söweşini UFC-niň öňdebaryjy söweşijileriniň biri bolan amerikaly Şon Bredi bilen geçirer. Olaryň söweşi 22-nji martda Londonda geçiriljek UFC Fight Night 255 ýaryşynda bolar diýip, guramanyň metbugat gullugy habar berýär.
Bu söweş agşamyň esasy wakasyna öwrüler. Aslynda Leonyň garşydaşy awstraliýaly Jek Della Maddalena bolmalydy, ýöne guramaçylar ony ýarym orta agramda UFC-niň häzirki çempiony amerika-palestinaly Belal Muhammada garşy goýdy.
Mançesterde (Angliýa) geçirilen UFC 304 ýaryşynda bolan soňky söweşinde Edwards emin agzalarynyň biragyzdan karary bilen Belal Muhammaddan ýeňildi.
