Ýarym orta agram derejesinde UFC-niň çempiony Belal Muhammadyň indiki garşydaşy Jek Della Maddalena boldy. Olar 11-nji maýda Kanadanyň Monreal şäherinde geçiriljek UFC 315 ýaryşynda duşuşar.
Ilkibaşda Maddalena 22-nji martda Londonda geçiriljek UFC Fight Night 255-de Leon Edwardsa garşy söweşmelidi.
Muhammadyň soňky söweşi 2024-nji ýylyň iýul aýynda UFC 304-de Leon Edwards bilen boldy. Bu söweşde Belal Muhammad emin agzalarynyň biragyzdan karar bermeginde ýeňiş gazanyp, ýarym orta agram derejesinde UFC-niň çempion titulyny gazandy. Muhammadyň hasabynda 24 ýeňiş we üç ýeňliş bar, ýene bir söweş geçirilmedik diýlip hasaplandy.
Maddalena soňky gezek oktagona 2024-nji ýylyň mart aýynda UFC 299-da Gilbert Býornsa garşy çykdy. Üçünji raundda togtadylan söweş Jekiň peýdasyna nokaut arkaly tamamlandy. Onuň hasabynda 17 ýeňiş we iki ýeňliş bar.
