Bugatti kompaniýasynyň baş müdiri Mate Rimak kompaniýanyň «Tourbillon» atly täze giperkaryny görkezdi. Ol 2025-nji ýylyň iň şowhunly täzelikleriniň biri bolmaga eýýämden taýyn. Ulagyň 1775 at güýjündäki V16 hereketlendirijisi gibrid ulgam bilen utgaşyp, synaglardaky sesi bilen göreni haýran galdyrdy. Mate Rimak bu hereketlendirijiniň näderejede «özboluşlydygyna» hatda öz toparynyň hem entek doly düşünmeýändigini aýtdy diýip, «Top Gear» neşiri habar berýär.
Oýlanyşykly gurluşy sebäpli, V16 hereketlendirijisiniň her aýlawynda dört gezek ot alma hadysasy bolup geçýär. Bu bolsa güýçli sesleri – adamyň ruhuny göterýän simfoniýany döredýär. Turbinaly W16 hereketlendiriji bilen işleýän «Chiron» modelinden tapawutlylykda, «Tourbillon» – atmosferiki hereketlendiriji bilen gibrid tehnologiýalaryň utgaşmasydyr.
«Tourbillon» bary-ýogy 2 sekuntda 100 km/sag tizlige ýetip bilýär, iň ýokary tizligi bolsa 445 km/sag. Şeýle güýçli dinamika ony iň güýçli ýol awtoulaglarynyň hataryna goşýar.
Awtoulagyň resmi tanyşdyrylşyna wagt bar hem bolsa, häzirden belli anyk bir zat bar: bu giperkar taryha ýazylar.
