Ispaniýaly, finlýandiýaly we kanadaly alymlar topary ilkinji gezek ultrases tolkunlaryny ulanyp, elektrik uçgunlaryny nädip gönükdirmelidigini görkezdiler. Açyş atmosfera ylmyndan başlap, biolukmançylyga çenli tehnologiýalara bolan çemeleşmeleri üýtgedip biler diýip, Overclockers neşiri ýazýar.
Täze usul uçgunlaryň daş-töweregiň howasyny gyzdyryp, pes dykyzlykly ýerleri döredýändigine esaslanýar. Howa gyzdyrylanda giňelýär we ultrases tolkunlary ony ýokary ses amplitudaly ýerlere gönükdirýär. Bu uçguna has ýeňil howanyň yzyna düşmäge mümkinçilik berýän ýoly döredýär.
Taslamanyň esasy hünärmeni doktor Asýer Marzo uçgunlary howpsuz dolandyrmak usulynyň bir ýyldan gowrak synagdan soň işlenip düzülendigini aýtdy. Lazer tehnologiýalaryndan tapawutlylykda, ultrases göze we derä howp salmaýar, ulanmaga has ygtybarly we amatly edýär.
Alymlar tehnologiýanyň maýyplar üçin taktil stimullar ýaly, aragatnaşyksyz ulgamlary döretmekde esas bolup biljekdigine ynanýarlar. Biologiýada ony bakteriýalary öldürmek üçin ulanyp bolar, şeýle hem ol ýokary woltly elektronikada peýdaly bolup biler.
