Fransuz startapy «Flying Whales» 2027-nji ýyla çenli uzynlygy 200 metr bolan «LCA60T» atly äpet dirižably gurmagy we uçuş synaglaryna başlamagy meýilleşdirýär diýip, «New Atlas» neşiri habar berýär.
Startapyň meýilnamalaryna görä, ini 50 metr boljak täze dirižabl bir gatnawda 60 tonna ýük daşamaga ukyply bolar. Ol ýerden 3 km beýiklikde uçar, iň ýokary tizligi bolsa sagatda 100 kilometre ýeter.
Bu dirižabl perlerini aýlamak üçin ýokary woltly litiý-ion akkumulýatorlaryň we turbogeneratorlaryň utgaşmasyndan peýdalanar.
Häzirki wagtda «Flying Whales» startapynyň hünärmenleri dirižablyň daşky örtügi üçin «Diatex» atly örän ýeňil poliester matany synagdan geçirýärler. Şeýle-de bu ägirt uly taslamany bellenen möhlete çenli amala aşyrmak üçin dürli tehniki we strategiki hyzmatdaşlyk şertnamalaryny baglanyşýarlar.
