40 ýyldan gowrak wagt bäri ABŞ-da iň köp satylan awtoulaglaryň sanawynda birinji orny Ford F-150 eýeleýärdi, ýöne 2024-nji ýylda bazaryň lideri üýtgedi we onuň ornuna Toyota RAV4 geçdi.
Jato Dynamics kompaniýasynyň maglumatlaryna görä, geçen ýyl F-150-niň satuwy 5% azalyp, 460 915 awtoulag boldy. Şol bir wagtyň özünde Toyota RAV4-üň satuwy 9% ýokarlanyp, 475 193 birlige barabar boldy. Bu hem oňa ençeme synanyşykdan soň, ahyrynda F-150-den öňe geçmäge mümkinçilik berdi. 2023-nji ýylda Ford F-150 42-nji gezek ýylyň iň köp satylan awtomobili bolupdy.
Liderleriň üçlügini 402 791 satylan awtomobil görkezijisi bilen (2023-nji ýyla garanda +11%) Honda CR-V krossoweri jemledi.
Şeýle-de, ilkinji bäşlige Tesla Model Y (372 613 satylan awtomobil, -3%) we Chevrolet Silverado 1500 (344 022 birlik, -2%) girdi.
2024-nji ýylyň jemi boýunça ABŞ-da iň köp satylan awtoulaglaryň ilkinji onlugyndan şular hem orun aldy: Toyota Camry (309 875 birlik, +7%), Toyota Corolla (283 098 birlik, +22%), Nissan Rogue (245 724, -7%), Honda Civic (242 005, +21%) we GMC Sierra 1500 (216 248, +11%).
