Dünýäniň iň uly A23a aýsberginden meýdany, takmynan, 80 inedördül kilometr bolan uly buz bölegi bölünip aýryldy. Bu Günorta Atlantikada, Skoşa deňzinde, Günorta Georgiýa adasyndan 340 kilometr uzaklykda bolup geçdi diýip, AFP habar berýär.
Bölünip aýrylan bölek ägirt buzuň massasynyň bary-ýogy 2%-ine deňdir. Ylmy gözlegler aýsbergiň meýdanynyň 2023-nji ýylyň noýabr aýyndan bäri tas 11% azalandygyny görkezýär.
Ýatlap geçsek, A23a aýsbergi 1986-njy ýylyň sentýabrynda Filhner buzlugyndan bölünip aýryldy we uzak wagtlap Ueddell deňzinde hereketsiz durdy. 2023-nji ýylyň noýabrynda Antarktika kenarynyň ugry bilen hereket edip başlady, 2024-nji ýylda 1,4 müň km töweregi ýol geçdi. 2025-nji ýylyň ýanwar aýynda onuň traýektoriýasy üýtgedi we aýsberg günbatara tarap hereket etdi, aýyň ahyrynda bolsa aýlanyp başlady.
Alymlar aýsbergiň bölünip aýrylan bölekleriniň umman ýylylygynyň we akymlarynyň täsiri bilen ýok ediljekdigini çaklaýar.
