“Formula-1-iň” ýedi gezek dünýä çempiony Lýuis Hemiltonyň “Ferrariniň” eşiginde düşen ilkinji suraty toparyň hemaýatkärlerine 400 müň dollar girdeji getirdi. Bu barada Sponsorlytix analitiki neşiri habar berdi.
Bu, aýratynam, “Ferrariniň” esasy hemaýatkäri bolan HP kompaniýasy üçin ähmiýetli boldy. Suratyň netijesinde kompaniýanyň gazanan girdejisi 62,1 müň dollar bilen bahalandyrylýar. “Ferrariniň” özi bu suratyň hasabyna 50 müň dollar gazandy.
Onuň hyzmatdaşy bolan Shell kompaniýasy birneme köp – 52,1 müň dollar gazandy.
Sosial ulgamlarda Hemiltonyň suratly posty 11 mln töweregi laýk alyp, sosial ulgamlaryň taryhynda “Formula-1” barada iň meşhur post boldy.
Belläp geçsek, 22-nji ýanwarda britaniýaly ýaryşa gatnaşyjy Fýorano ýolunda “Skuderiýa Ferrariniň” türgenleşigine gatnaşdy. Hemilton 30 aýlaw geçdi.
Lýuis Hemilton “Formula-1-iň” geçen möwsüminiň ahyrynda Germaniýanyň “Mersedes” toparyndan “Ferrarä” geçdi. “Ferrarini” bolsa, tersine, ispaniýaly ýaryşa gatnaşyjy Karlos Saýns terk etdi.
