Toyota-nyň Hino Motors golçur kärhanasy dizel hereketlendirijileriniň zyýanly zyňyndylary baradaky maglumatlary görkezende hilä ýüz urandygy üçin 1,6 milliard dollar jerime tölemäge razy boldy.
Kompaniýa ozal Milli ýol hereketiniň howpsuzlygy gullugyna (NHTSA) ýalan maglumat berendigini boýun alypdy diýip, Motor1 belleýär.
Gürrüň ýol tehnikasyna oturdylan 105 000 töweregi dizel hereketlendirijisiniň we wnedorožniklere niýetlenen 6000 hereketlendirijiniň synag maglumatlarynyň galplaşdyrylandygy barada gidýär.
Mundan başga-da, Hino Motors 2017-2019-njy ýyllar aralygynda ýük awtoulaglarynda ulanylan käbir hereketlendirijileri kada laýyk getirmek üçin yzyna çagyrýar. Toyota 2001-nji ýyldan bäri Hino Motors-yň gözegçilik paýyna eýeçilik edýär.
Hino Motors-yň baş direktory Satoşi Ogiso ötünç sorady we kompaniýanyň şuňa meňzeş ýagdaýlaryň geljekde gaýtalanmazlygy üçin giň gerimli üýtgeşmeleri geçirendigini aýtdy.
"Şuňa meňzeş meseleleriň gaýtalanmazlygy üçin tutuş kompaniýa boýunça içerki medeniýetimizi, gözegçilik we ýerine ýetiriş amallarymyzy ep-esli gowulandyrmak ýaly özgertmeleri amala aşyrdyk" - diýip, Satoşi aýtdy.
