Los-Anjelesde geçirilen UFC 311 ýaryşynyň çäklerinde ýarym agyr agramda çykyş edýän çehiýaly söweşiji Irži Prohazka amerikaly Jamal Hille garşy söweşdi.
Söweşde Prohazka nokaut arkaly ynamly ýeňiş gazandy. UFC-niň ýarym agyr agramda öňki çempionlarynyň arasyndaky söweş üçünji raundda tamamlandy.
Irži Prohazka üçin bu ýeňiş karýerasynda 31-nji boldy, şolardan 27-sini nokaut arkaly gazandy. Şeýle-de, onuň hasabynda bäş ýeňliş we bir deňme-deňlik bar. Jamal Hill karýerasynda üçünji we yzygider ikinji ýeňlişine sezewar boldy.
Şeýle-de, garyşyk başa-baş söweş boýunça ýaryşyň çäklerinde MMA-nyň russiýaly söweşijisi Umar Nurmagomedow professional karýerasynda ilkinji ýeňlişine sezewar boldy. Indi Nurmagomedowyň rekordy – 18:1.
Söweşiji gruziýaly Merab Dwalişwili bilen iň ýeňil agramda UFC-niň çempiony tituly ugrundaky söweşde ýeňildi. Söweş bäş raund dowam edip, emin agzalarynyň biragyzdan karary bilen Dwalişwiliniň ýeňiş gazanmagy arkaly tamamlandy.
