19-njy ýanwarda irden ABŞ-da UFC 311 ýaryşynda çempion Islam Mahaçew bilen Arman Sarukýanyň arasynda ýeňil agramda titul ugrundaky söweş geçiriler. Söweş diňe bir dartgynly tomaşa bolman, eýsem, iki pälwanyň hem rekord töleg hakyny aljakdygyny wada berýär.
Mahaçew oktagona girendigi üçin 1,5 million dollar alar we ýaýlyma satuwdan geljek bonuslary we göterimleri hasaba alanyňda, jemi 2 million dollardan geçip biler. Ondan öň wagtlaýyn at üçin Çarlz Oliweýra bilen söweş üçin, takmynan, 1 million dollar, Wolkanowski bilen geçirilen iki söweş üçin - 3 million dollara golaý aldy. Dastin Porýe bilen soňky söweşi oňa ýene 1,8 million dollar getirdi.
Deňeşdirmek üçin, iň ýeňil agramda promouşeniň çempiony Aleksandr Pantoža soňky guşak goragy üçin 3,5 million dollar aldy, Iliýa Topuriýa Maks Hollouweýden üstün çykmagyy üçin 2,4 million dollar, Aleks Pereýra bolsa reýtingiň 8 orundaky türgeni Halil Rauntrini ýeňeni üçin 2,8 million dollar gazandy. Promouşeniň käbir ýyldyzlary birnäçe esse ýokary töleg alýarlar: Jon Jons Stipe Mioçiç bilen söweş üçin, takmynan, 15 million dollar aldy, Tom Aspinall bilen söweş üçin bolsa 30 million dollar soraýar, ýogsam Mahaçew P4P reýtinginde Jonsdan ýokarda durýar.
Arman Sarukýanyň hem ýaýlymyň satuwyndan aljak paýyny göz öňünde tutsaň, girdejisiniň 1 million dollar töweregi bolmagyna garaşylýar. Ol Çarlz Oliweýra bilen soňky söweşi üçin bary-ýogy 160 000 dollar (braziliýaly - 800 000 dollar) aldy.
UFC 311 ýaryşy özüniň esasy wakasy - Merab Dwalişwili bilen Umar Nurmagomedowyň arasyndaky titul göreşi sebäpli has köp ünsi çekýär. Şeýle agramly söweş gatnaşyjylaryň girdejilerine oňyn täsir etjek ýokary ýaýlym satuwlaryny wada berýär.
