Guşlar dünýäsi täsin ukyplardan doly. Guşlaryň käbir görnüşleri şowly aw etmäge we uzak aralyklara göçmäge mümkinçilik berýän haýran galdyryjy ýyndamlygy ösdürip bilýärler. Bu jandarlaryň tizligini artdyryş häsiýetlerini öwrenmek alymlara olaryň daşky gurşawyň dürli şertlerine uýgunlaşmak aýratynlyklaryna has gowy düşünmäge kömek edýär.
Fact Animal-iň we ylmy barlaglaryň maglumatlaryna esaslanyp, dünýädäki uçýan iň ýyndam janly-jandarlaryň sanawy düzüldi. Infografikada rekordlaryň iki görnüşi görkezildi: dik aşaklygyna uçuş we göni uçuş.
Ýyndamlykda rekord dik aşaklygyna uçup barýarka sagatda 389 km tizlige ýetip bilýän algyr laçyna degişlidir. Bu ýaryş awtoulagynyň tizligine deňdir. Şol bir wagtyň özünde, göni uçýan wagtynda bu guş sanawda ýedi görnüşden yza galyp, sagatda 100 km tizlige ýetýär.
Dik aşaklygyna uçmakda iň ýyndam guşlar aşakdakylardyr:
- Algyr laçyn - sagatda 389 km.
- Bürgüt - sagatda 322 km.
- Ütelgi - sagatda 319 km.
Bu üç görnüş aw awlamakda dik aşaklygyna uçuşy ulanýan ýyrtyjy guşlardyr.
Göni uçmakda ilki bilen öňdelik birbada iki görnüşe: Meksikanyň erkin guýruk ýarganatyna we gyzyl döşli krohala degişlidir. Iki görnüş hem howany sagatda 161 km tizlik bilen okkesdirme böwsüp geçýär.
Göni uçuşda iň ýyndam on janly-jandar:
- Meksikanyň erkin guýruk ýarganaty- sagatda 161 km.
- Gyzyl döşli krohal - sagatda 161 km.
- Ütelgi - sagatda 149 km.
- Kepderi - sagatda 143 km.
- Skopa - sagatda 129 km.
- Çal kelleli deňiz guşy - sagatda 127 km.
- Gara uzynganat - sagatda 113 km.
- Algyr laçyn - sagatda 100 km.
- Altynsow çuluk - sagatda 100 km.
- Garga - sagatda 97 km.
