2025-nji ýyldan başlap Professional Fighters League (PFL) ähli söweşlerinde düzgünleriň çäklerinde tirsek urgularyna rugsat berýär. Üýtgeşmeleri guramanyň başlygy Donn Dewis resmi taýdan tassyklady diýip, AllBoxing portaly habar berýär.
“Täze ýyl, täze üýtgeşmeler. Siz tirsek islediňiz, PFL size tirsek berer! Islendik tirsek urgulary, islendik söweşde, islendik wagt” – diýip, Dewis sosial ulgamlarda ýazdy.
Mundan öň tirsek bilen urmak PFL-iň ähli söweşlerinde onuň formatynyň aýratynlygy sebäpli gadagan edilýärdi. Çünki, möwsümiň dowamynda söweşijiler her iki aýdan diýen ýaly arena çykýardy, tirsek urgusy bolsa dikelmek üçin köp wagt talap edýän şikes töwekgelçiligini ýokarlandyrýar. 2024-nji ýylyň noýabr aýynda düzgünler möwsümleýin gran-prileriň finallary üçin ilkinji gezek gowşadyldy, sebäbi bu ýerde söweşleriň arasyndaky arakesme şikesleriň bitmegi üçin ýeterlik wagt almaga mümkinçilik berýär.
Indiki PFL ýaryşy 2025-nji ýylyň 25-nji ýanwarynda BAE-niň Dubaý şäherinde geçiriler. Esasy waka ýeňil agramda Bellator-yň çempiony russiýaly Usman Nurmagomedow bilen irlandiýaly Pol Hýuzyň arasyndaky söweş bolar.
